Флекситаријанството настанува од извор на два збора – флексибилност и вегетаријанство.
Флекситаријанската прехрана се темели на следниве намирници:
- тзв ( ново месо) кое вклучува – тофу, соја, семиња и јајца.
- житарици
- млечни производи (по можност со помалку масти)
- зачини или засладувач на природна база (избегнувајте шеќери)
Со оваа диета, дневно внесувате 1500 калории, што е одличен старт за губење на вишок килограми.
Диетата е поделена на три големи оброци и меѓуоброци.
Во текот на денот слободно може да конзумирате кафе и чај, доколку сте љубители на шеќер (користете засладувач на природна база или мед) и млеко без масти.
Појадок
кришка леб од целосни житарици со посно сирење (можете да додадете и црвена пиперка или свежа зелена пиперка)
Меѓуоброк – 1 јаболко
Ручек
вегетаријански бургер (пециво од целосни житарици, тофу мајонез, сеитан и неколку листови зелена салата по избор) и сезонско овошје
Меѓуоброк – една шака јаткасти плодови по избор (лешници,бадеми,сончоглед)
Вечера
Доколку имате ВОК тава тоа би било супер и вечерата би можеле да ја спремите во таа тава, а доколку немате, тоа не претставува никаков проблем и ќе можете да ја приготвите на следниот начин.
Мешан свеж зеленчук по ваш избор, две капки маслиново масло, зачин по избор и додадете ѓумбир.
Сварете помалце од пола чашка свеж бел диетален ориз.
Напомена: Овој вид на диета нема да ги задоволи љубителите на месо.
Пријатен апетит !
Миа Симоновска
