Кокосово масло и 10 бенефити од неговата употреба

Кокосово масло и 10 бенефити од неговата употреба

 

Популарноста на кокосовото масло во последните неколку години рапидно се зголемува, па започнува и да се продава на пазарот како супер храна.
Уникатната комбинација на масни киселини во кокосовото масло може да има позитивни ефекти врз вашето здравје, како што се зголемување на загубата на маснотии, здравјето на срцето и работата на мозокот.

Во прилог следат 10 бенефити од неговата употреба:

1. Содржи здрави масни киселини
Кокосовото масло содржи многу заситени масти. Овие масти имаат поинаков ефект врз организмот во споредба со други масти во исхраната.Масните киселини во кокосовото масло можат да го охрабрат вашето тело да согорува маснотии и да обезбедат брза енергија на телото и мозокот. Тие исто така го зголемуваат добриот (HDL) холестерол во крвта, што може да помогне во намалување на ризикот од срцеви заболувања. Повеќето диетални масти се категоризираат како триглицериди со долг ланец (LCT), додека кокосовото масло содржи триглицериди со среден ланец (MCT), кои се масни киселини со пократок ланец .Кога јадете MCT, тие обично одат директно до вашиот црн дроб. Вашето тело ги користи како брз извор на енергија или ги претвора во кетони. Кетоните можат да имаат моќни придобивки за вашиот мозок, а истражувачите ги проучуваат кетоните како лек против епилепсија, Алцхајмерова болест…

2. Го подобрува здравјето на срцето
Кокосот е ретка храна во западниот свет, а главните потрошувачи се луѓе кои се свесни за сопственото здравје. Сепак, во некои делови на светот, кокосот – кој е полн со кокосово масло – е храна со којашто луѓето напредувале со генерации.

3. Може да промовира согорување на маснотии
Дебелината е една од најголемите здравствени состојби со кои се соочува западниот свет денес. Додека некои луѓе мислат дека дебелината е само прашање на тоа колку калории се внесуваат, важно е и да се потенцира дека и изворот на тие калории е исто така важен. Различна храна влијае на вашето тело и хормони на различни начини. МЦТ во кокосовото масло може да го зголеми бројот на калории што вашето тело ги троши во споредба со масните киселини со подолг ланец.
Една студија открила дека јадењето 15-30 грама МЦТ дневно ја зголемува потрошувачката на енергија од 24 часа за 5%. Но, имајте на ум дека кокосовото масло е многу калорично и лесно може да доведе до зголемување на телесната тежина ако се јаде во големи количини.

4. Може да има антимикробно дејство
Лауринската киселина сочинува околу 50% од масните киселини во кокосовото масло. Кога вашето тело вари лауринска киселина, формира супстанција наречена монолаурин. И лауринската киселина и монолауринот можат да убијат штетни патогени, како што се бактерии, вируси и габи. На пример, студиите со епрувети покажуваат дека овие супстанции помагаат при уништување на Staphylococcus aureus бактериите, кои предизвикуваат стафилококна инфекција и квасецот Candida albicans, заеднички извор на инфекции со квасец кај луѓето. Постојат и некои докази дека употребата на кокосово масло како средство за плакнење на устата – носи корист за оралната хигиена.

5. Го намалува гладот
Една интересна карактеристика на МЦТ е дека тие можат да го намалат гладот.Ова може да биде поврзано со начинот на кој вашето тело ги метаболизира мастите, бидејќи кетоните можат да го намалат апетитот. Во една студија, 6 здрави мажи јаделе различни количини на МЦТ и ЛЦТ. Оние кои јаделе најмногу МЦТ јаделе помалку калории на ден.

6.Може да ги намали нападите
Истражувачите во моментов ја проучуваат кетогената диета, која се заснова на многу мал внес на јаглени хидрати и многу масти, како третман за лекување на разни нарушувања.Најпозната терапевтска употреба на оваа диета е лекување на епилепсија кај деца отпорни на лекови. Исхраната драматично ја намалува стапката на напади кај деца со епилепсија, дури и кај оние кои немале успех со повеќе видови лекови. Намалувањето на внесот на јаглехидрати и зголемувањето на внесот на маснотии доведува до значително зголемена концентрација на кетони во крвта.Бидејќи МЦТ во кокосовото масло се транспортираат до црниот дроб и се претвораат во кетони, здравствените работници можат да користат модифицирана кето диета која вклучува МЦТ и зголемен внес на јаглехидрати за да предизвикаат кетоза и да помогнат во лекувањето на епилепсија.

7. Може да го зголеми добриот ( HDL) холестерол
Кокосовото масло содржи природни заситени масти кои го зголемуваат нивото на добар (HDL) холестерол во вашето тело. Тие исто така можат да помогнат во претворање на ЛДЛ (лошиот) холестерол во помалку штетна форма.Со зголемување на HDL, многу експерти веруваат дека кокосовото масло може да го зајакне здравјето на срцето во споредба со многу други масти. Студија спроведена на 116 возрасни лица покажува дека следејќи ја диеталната програма која вклучува кокосово масло го зголемува нивото на добар (HDL) холестерол кај луѓето со коронарна артериска болест.

8. Може да ја заштити вашата кожа, коса и заби
Кокосовото масло има многу употреби кои немаат никаква врска со јадење. Многумина го користат за козметички цели за подобрување на здравјето и изгледот на кожата и косата. Истражувањата покажуваат дека кокосовото масло може да го зголеми составот на влага во сувата кожа и да ги намали симптомите на егзема. Кокосовото масло може да заштити и од оштетување на косата. Една студија покажува дека може да работи и како крем за сончање, блокирајќи околу 20% од сончевите ултравиолетови (УВ) зраци. Плакнење на усната празнина со кокосово масло, може да убие некои штетни бактерии во устата. Ова може да го подобри здравјето на забите и да го намали лошиот здив.

9. Може да ја стимулира функцијата на мозокот кај Алцхајмеровата болест
Алцхајмеровата болест е најчеста причина за деменција. Вообичаено ги погодува постарите возрасни лица.Оваа состојба ја намалува способноста на вашиот мозок да користи гликоза за енергија.Истражувачите сугерираат дека кетоните можат да обезбедат алтернативен извор на енергија за овие мозочни клетки за да ги намалат симптомите на Алцхајмеровата болест. Авторите на студијата од 2006 година објавија дека МЦТ ја подобрува функцијата на мозокот кај луѓето со полесни форми на Алцхајмерова болест.Раните студии сугерираат дека МКТ може да го зголеми нивото на кетон во крвта, потенцијално олеснување на симптомите на Алцхајмерова болест.

10.Може да помогне во лекување на остеопороза
Студија за комплементарна и алтернативна медицина заснована на докази откри дека додавањето кокосово масло во исхраната го зголемува волуменот и структурата на коските кај испитаниците и го намалува губењето на коските поради остеопороза.
Но, остеопорозата не се појавува само од недостаток на калциум: оксидативниот стрес и слободните радикали се исто така нејзин причинител.
Бидејќи кокосовото масло има високо ниво на антиоксиданти кои помагаат во борбата против слободните радикали, тоа е водечки природен третман за болната, а понекогаш и ослабувачка состојба. За да внесете повеќе антиоксиданти во вашата исхрана, конзумирајте повеќе овошја и зеленчуци кои во себе содржат антиоксиданти.


Мирјана Димитриевска

Коментари