Дијабетес е хронична, незаразна болест која ги нарушува механизмите во организмот кои го контролираат нивото на шеќер во крвта.
Постојат два основни типа на дијабетес: дијабетес инсипидус и дијабетес мелитус.
Дијабетес инсипидус
Diabetes insipidus е метаболичко нарушување кое е предизвикано или од дефицит на вазопресин, хормон од хипофизата или од неспособност на бубрегот соодветно да реагира на овој хормон.
Карактеристика на овој тип дијабет е константно чувство на жед. Исто така и продукција на голема количина на урина без разлика на количината на течност која се внесува во организмот.
Дијабетес мелитус
Diabetes mellitus е резултат на дефект во продукцијата на инсулин, хормон од панкреасот. Тоа е хронично пореметување на метаболизмот кое со тек на време го зголемува ризикот од појава на:
- бубрежни болести
- атеросклеорза
- слепило
- неуропатија (губење на функцијата на одредени нерви)
Diabetes mellitus се дели на два потитипа: тип 1- дијабет зависен од инсулит и тип 2-дијабет независен инсулин.
- Тип 1 е поврзан со бета клетките или станици на панкреасот (клетки кои произведуваат инсулин). Најчести симптоми се: често мокрење, континуирано чувство на жед, инсомнија, слабост, умор, губење на телесна тежина дури и при нормална исхрана и почесто чувство на глад.
- Тип 2 се јавува почесто кај луѓе кај кои има фамилијарна историја за дијабет. Кај овој облик на болеста, панкреасот лачи нормално количество на инсулин, но тој е неактивен. Симптомите влкучуваат замаглен вид, сврбеж, често чувство на жед, инфекции на кожата, бавно зараснување на рани, потење, слабост и отоци на нозете.
Сепак ова е обемна болест за којашто има навистина многу работи кои треба да ги знаете, како начин на исхрана при различен тип на дијабет, нормални и абнормални вредности на шеќер во крвта, природни лекови кои превенција, дијагноза и терапија.
И најважно од сè е да не ги занемарите сигналите кои телото ви ги испраќа, да не се лекувате сами, а доколку веќе сте дијагностицирани со кој било вид на дијабет, мора да се придржувате до терапијата и насоките кои ви ги дава вашиот лекар, затоа што доколку дијабетесот не е лекуван може да биде животозагрозувачки.
