Ако сакате да го контролирате крвниот притисок и да го подобрите здравјето на вашето срце, една од ефективните алатки што може да ви ги препорача лекарот е диетата DASH, која е кратенка од Диететски пристапи за стопирање на хипертензијата.
За разлика од другите диети, DASH не е краткорочно решение, туку одржлив начин на исхрана. Основните принципи на DASH вклучуваат намалување на внесот на сол и инкорпорирање разновидна храна богата со хранливи материи.
Темно зелен зеленчук
Високиот внес на натриум може да доведе до задржување на течности и зголемен притисок на вашите артерии. Toa резултира со покачен крвен притисок. За да се бори против ова, DASH поттикнува консумација на темно зелен зеленчук како спанаќ, брокула или кељ.
Овие зеленчуци се богати со калиум. Tој помага да се исфрли вишокот натриум од вашето тело преку урината и да се релаксираат ѕидовите на крвните садови.
Бобинки
Бобинките како што се боровинки, јагоди и капини ги должат своите живописни бои на антоцијанот, природно соединение кое им користи на вашите крвни садови. Антоцијанинот помага да се прошират и да се направат пофлексибилни ѕидовите на вашите артерии. Tоa резултира со намален крвен притисок и подобрување на здравјето на срцето.
Јогурт
Калциумот игра клучна улога во регулирањето на крвниот притисок преку затегнување и релаксација на крвните садови кога е потребно. Обичен јогурт со малку маснотии е одличен начин да го зголемите внесот на калциум без прекумерен додаден шеќер или маснотии.
Масни риби
Рибите, особено мрсните сорти како лососот и скушата, не само што се добри извори на калциум, туку и се богати со омега-3 масни киселини. Познато е дека омега-3 го подобрува здравјето на срцето, па дури и може да го намали крвниот притисок, особено кај оние со умерена до тешка хипертензија.
Семиња
Несолените семиња од тиква, лен и сончоглед можат да бидат едноставен, но моќен додаток на вашите оброци. Овие семиња се преполни со есенцијални минерали како магнезиум, кој помага да се контролира крвниот притисок и да се релаксираат крвните садови.
Лук
Лукот не само што додава вкус на вашите јадења, туку може да придонесе и за намалување на крвниот притисок. Го зголемува нивото на азотен оксид во телото, што доведува до проширување на крвните садови и намалување на оптоварувањето на срцето. Со консумирање 1-2 чешниња лук дневно, можете да ги искористите неговите потенцијални придобивки за кардиоваскуларното здравје.
Маслиново масло
Маслиновото масло, богато со полифеноли е здрава алтернатива на другите масла. Овие полифеноли го подобруваат здравјето и еластичноста на крвните садови, придонесувајќи за подобра контрола на крвниот притисок. Заменете го путерот и растителните масла со 2-3 лажички маслиново масло.
Мешунки
Порција грашок, леќа или грав може да помогне во регулирање на крвниот притисок и намалување на ризикот од коронарна срцева болест. Благодарение на нивната висока содржина на влакна, мешунките се одлични додатоци за здравата исхрана за срцето.
Темно чоколадо
Темното чоколадо, кое содржи најмалку 50% до 70% какао, обезбедува растително соединение наречено флаванол. Слично на лукот, флаванолот го зголемува нивото на азотен оксид, што доведува до проширување на крвните садови и подобрување на крвниот притисок. Сепак, умереноста е клучна, а повремено грицкање темно чоколадо е доволно за да ги искористите неговите придобивки.
Храната не е целиот третман
Додека диетата DASH и вклучувањето на храна здрава за срцето играат клучна улога во управувањето со крвниот притисок, важно е да се запамети дека тие се дел од сеопфатниот пристап кон здравјето на срцето. Одржувањето здрава тежина, редовното вежбање и придржувањето до сите препишани лекови се подеднакво витални компоненти за спречување и управување со високиот крвен притисок.
