За лицата кои се на диета без глутен, наоѓањето соодветни и вкусни алтернативи понекогаш може
да биде предизвик. Кога станува збор за сосови со тестенини, постојат бројни опции кои не само
што се грижат за оние со чувствителност на глутен или целијачна болест, туку и обезбедуваат
хранлив и вкусен оброк. Многу е важно да се направат информирани избори кога станува збор за
храната.
Што се тестенини без глутен?
Тестенините без глутен се специјално произведени да ги исклучат состојките што содржат глутен,
протеин пронајден во пченица, јачмен и ‘рж. Изборот на сос пак, нуди неколку придобивки, во
зависност од намирниците кои ќе се вметнат при неговата подготовка.
Тестенините без глутен се еднакво храниливи, исто како и тестенините кои содржат глутен. Важно
е да бидат произведени од прородни состојки во строго контролирани фабрички услови за да се
избегне процесот на крос-контаминација.
Ова ги прави безбедни за лица кои имаат глутенска интолеранција, како и за оние кои се алергични на глутен.
Еве неколку наши предлози за нутритиовно избалансирани сосови кои би биле одличен прилог за
нашите безглутенски тестенини:
Доматен сос со пармезан
За овој вкусен сос ви се потребни само неколку состојки:
- Малку маслиново масло
- 2 чешниња лук
- ½ главица кромид
- 1 мал морков
- Доматно пире
- Пармезан
- Макарони/шпагети без глутен
Тестенините ги ставате да се варат според упатството наведено на амбалажата. На маслиново
масло кратко ги запржувате ситно исецканиот зеленчук.
Кога ќе добие златна боја го додавата доматниот сос, динстате неколку минути, додавате зачини по избор, а потоа ги соединувате веќе зготвените тестенини. Сервирате со малку пармезан.
Наш прделог за тестенини: Riso Pasta – Оризови нудли 320гр
Домашен песто сос
Потребни состојки:
- 1 чаша листови од босилек
- 2 лажици ореви
- 2 чешниња лук
- 80 мл маслиново масло
- 50 гр пармезан
Тестенините се варат според упатството, додека во меѓувреме босилекот, оревите и лукот ги
блендирате со постепено додавање на маслиновото масло.
Пред самиот крај на блендирањето го додавате пармезанот. Подготвениот песто сос можете да го чувате во фрижиер или замрзнувач.
Со овој сос одлично одат Tagliatelle di Riso – Оризови таљатели
Кремаст сос од црвена пиперка
Потребни: состојки:
- 2 големи црвени пиперки, печени и излупени
- 1 кромид, ситно сецкан
- 3 чешниња лук, мелено
- 1 конзерва домати исечени на коцки
- 14 мл кокосово млеко
- 2 лажици маслиново масло
- 1 лажичка суво оригано
- 1 лажичка пиперка
- Сол и бибер по вкус
Загрејте ја рерната на 200°C. Ставете ги црвените пиперки на плех и печете ги околу 25-30 минути или додека лушпите не се јагленисаат. Извадете ги од рерна и оставете ги да се изладат. Откако ќе се излади, излупете ги лушпите, извадете ги семките и грубо исечкајте ги печените пиперки.
Во големо тенџере загрејте го маслиновото масло на средна топлина. Додадете го сечканиот кромид и сечканиот лук и пржете додека не станат меки и проѕирни.
Додадете ги доматите исечени на коцки (вклучувајќи ја и течноста) во тенџерето. Измешајте ги печените црвени пиперки, сувото оригано, пиперката, солта и биберот. Добро измешајте да се соединат сите вкусови. Намалете ја топлината на минимум и оставете го сосот да врие околу 15 минути.
Во тенџерето и измешајте го и кокосовото млеко. Варете уште 5 минути за да се загрее сосот.
Послужете го кремастиот сос од печена црвена пиперка со вашите омилени тестенини без глутен. и украсете со свеж сечкан магдонос.
Наш предлог за тестенити кои одат совршено со вој сос е Таљатели со куркума.
Кој е вашиот избор на сос како додаток на безглутенски тестенини?
