Дали јогата ја олеснува мигрената? Кои јога пози да ги пробате

Јогата може да придонесе многу повеќе од само физичка подготвеност и еластичност на телото. Може помогне со состојби како што се анкциозност, депресија и болки. Сето ова му овозможува на вашето тело да се опорави по стресен настан, како што е мигрена.

Не е јасно како јогата го менува телото на овој начин, иако парасимпатичкиот нервен систем може да игра голема улога. Додека вежбате јога, парасимпатикус може да ги забави отчукувањата на срцето и да го намали крвниот притисок.

Поврзаност со мигрена

Мигрените се поинтензивни од вообичаени главоболки. Тие обично се карактеризираат со страшна болка од едната страна на главата.

Честопати се придружени со гадење, вртоглавица и чувствителност на светлина и звук. Мигрена може да трае од неколку часа до неколку дена.

Јогата е холистички пристап кон борбата против мигрен и алатка за намалување на болката.

Што вели истражувањето?

Студија од 2014 година откри дека фреквенцијата и интензитетот на главоболките се намалени кај луѓе кои практикувале јога покрај нивниот редовен режим на вежбање.

Јогата ги намалува нарушувањата во автономниот нервен систем и во регулирањето на циркулаторниот систем, а овие две се поврзани со мигрена. Ако се врати рамнотежата, веројатноста за мигрена е намалена.

Кои пози да ги пробате?

Конкретни јога пози можат да таргетираат напнатост и стрес, што може да придонесе за намалување на вашата мигрена.

Овие четири јога пози можат да помогнат со олеснување на вашите симптоми на мигрена и да ги балансираат вашите физички, ментални и емоционални состојби.

Поза на дете

Во оваа позиција колената ми се на под, а со задникот седнувате врз стапалата.

Челото, или темето на главата, е на под, а рацете можат да бидат испружени напред или покрај телото.

Останете вака неколку минути и дозволете да ви се опуштат рамената и вилицата.

Мост

Во оваа позиција лежите на грб. Ги виткате колената и стапнувате каде што ви завршуваат рацете кои се залепени до телото.

Притискате со петите кон под, ги стегнувате задникот и ги носите колковите нагоре.

Опуштете ги мускулите на лицето и останета вака една минута.

Куче кон долу

Започнете со дланките и колената на земја. Дланките треба да бидат во линија со рамената, а колената во линија со колковите.

Полека кренете ги колковите нагоре додека туркате со дланките кон под. Обидете се да ги исправите колената и да ги опуштите рамената.

Останете во позицијата една минута.

Поза на мртовец

Само легнете на под, дозволете рацете и нозете да се наместат природно, свртете ги дланките кон горе и дишете длабоко.

Со намера релаксирајте го секој мускул во телото и останете така десет минути. При станување бидете нежни со вашете тело и движете се споро