Како да се справите со воспалени мускули

Како да се справите со воспалени мускули

Нормално е мускулите да ви бидат заморени после спорт или некоја друга активност, дури и извршување на домашни задачи. Тоа се случува ако нагло сте ги промениле интензитетот, времетрањето и видот на вежбите кои вообичаено ги вежбате.

Промена на рутината на вежбање може да доведе до повреда на мускулни влакна и сврзното ткиво што еден ден потоа резултира со болка во мускули.
Таа болка е одложена болка на мускулите, а најинтензивна  е 48 часа после активностите и потоа постепено почнува да се намалува. Со повторување на истата активност, мускулите се привикнуваат и тоа е добра вест.

Ако осетите болка во зглобовите тоа е обично знак за остеоартритис кој се јавува како резултат на трошење на рскавицата. Болките во зглобот може да бидат предизвикани од преоптеретеност при тренинг и бројни повреди. Покрај тоа, постојат повреди на лигаменти и менискуси кои исто така предизвикуваат болка.

Како да постапам кога ќе почувствувам болка?

Едно од најпоставуваните прашања од луѓе кои имаат некои од горенаведените проблеми е дали треба да користат топлина или лед кога ќе почувствуваат болка. Експертите велат дека најдобро решение е да се користи лед во моментот на повреда ,за да се превенира воспалителен процес, а потоа и топлина која ќе помогне  да се подобри протокот на крв на местото на повреда. Топлината може да ги ублажи и болки во зглобовите.

Лековите кои помагаат се нестероидни антиинфламаторни лекови. Но, долготрајно земање на овие лекови може да го афектира самообновувањето на мускулите, а посебно треба да бидат внимателни луѓе со улкус на желудник, дуоденум, болести на бубрек и слично.

И некои природни супстанции може да се користат за намалување на болка во мускули како витамин Ц и други антиоксиданси.

Може ли да се спречи воспаление на мускули?

За да се превенира воспаление на мускули,  задолжително е загревање пред тренинг и истегнување после тренинг.
Ако имате било каков здравствен проблем, најдобро е да се консултирате со лекар за тоа каков тип на вежби е најсоодветен за вас. Запомнете, кога имате болки во зглобовите, ќе сакате да останете cел ден во кревет. Но, една од најдобрите работи кои можете да ги направите е вежби со оптеретување кои помагаат во зајакнување на мускулите околу зглобот.

Масажата ги лечи болните мускули

Масажата по напорниот тренинг е несомнено ефикасен третман кој ја ублажува перцепцијата на болката и создава чувство на удобност, со што се поддржува и подобра регенерација на мускулите. Професионалните спортисти и здравствените работници долго време тврдат дека третманот со масажа го олеснува воспалението на мускулите, ја подобрува циркулацијата и ја намалува напнатоста на мускулите, а со тоа се промовира заздравување на болки во мускулите.

Никогаш доста од совети

  • Не јадете барем еден час пред масажата;
  • Пред третманот, задолжително е да се истуширате, не само од хигиенски причини, туку и како воведна процедура за релаксирање за ексфолијација на површинска кожа и релаксација на мускулите;
  • Препорачливо е да не го исплакнете маслото нанесено на кожата за време на масажата, бидејќи со текот на времето ќе ја храни кожата;
  • После масажа, препорачливо е да пиете чаша вода или незасладен пијалок и да одвоите време да се опуштите, така што ефектот на третманот ќе заврши.

 

Коментари