Лекови и суплементи

Витамин Д за поздрав и посреќен живот

Нашето тело во соработка со сончевите зраци, конкретно ултравиолетови (УВ) зраците, од холестеролот во нашата кожа создава витамин Д3. Покрај тоа,овој витамин може да се најде и во храната.
Најпознати облици од овој витамин се:
-холекалциферол(вит. Д3),кој го има во намирници од животинско потекло,
-ергокалциферол(вит.Д2),во намирници од растително потекло.
Без разлика дали станува збор за ендоген (кој настанува со помош на сончева светлина) или егзоген (внесен со храна и додатоци на исхрана) облик на витамин Д, тој во организмот мора да помине низ процес на активација и да дојде до конечен облик, 1,25-дихидроксихолекалциферол кој има важни улоги во нашето тело.

 

Витамин Д во организмот и негова улога

  • Најпознатата улога на витамин Д во организмот е поврзана со коските.
  • Витамин Д со соодветна количина на калциум и фосфат во серумот овозможува нормална минерализација на коските, нормален развој на коскено ткиво и заби.
  • Забрзува апсорпцијата на калциум.
  • Модулира раст на клетките, учествува во нормална работа на невромускулни и имунолошки функции.
  • Учествува во биосинтеза на невротрансмитери и невротропни фактори.
  • Пронајдени се рецептори за витамин Д во мозокот, така што недостаток на овој витамин може да биде причина за развој на невродегенеративни болести како депресија, деменција и Алцхајмерова болест.
  • Имуномодулаторна улога, дејство врз нашиот имунитет.

 

Дефицит на витамин Д

Реклама

Дефицит на витамин Д во нашиот организам може да предизвика симптоми како:

  • хроничен замор,
  • апатија и депресија,
  • намалување на телесна тежина,
  • срцеви заболувања,
  • остеопороза,
  • неправилна работа на имунолошкиот систем, подложност на инфекции и појава на алергии.

 

Витамин Д во храната

Основни прехрамбени продукти, извор на витамин Д се: плави риби како сардина, папалина, скуша, потоа туна, харинга и лосос, млеко, јајца, свинско месо, а од растително потекло извор на Д3 се печурки и квасци, збогатени житарици.

Дневни препорачани дози за внес на витамин Д:

  • Деца: 400-600 IU(интернационални единици)/ден
  • Здрави возрасни: 600 IU/ден
  • Стари над 70 години: 800 IU/ден

Зголемени потреби за витамин Д имаат личности кои спаѓаат во ризични категории како лица кои многу малку се изложени на сонце (покриени екстремитети и лице), луѓе со потемна боја на кожа, обезни и луѓе со хронични болести на кои дневната доза на витамин Д им се одредува индивидуално.

 

Најнови истражувања

За жал, според најновите популациски истражувања, постојат огромен број на луѓе кои имаат ниски вредности на витамин Д во серумот, а и неправилната исхрана и брзиот начин на живот додатно допринесуваат за ниско ниво на егзоген и ендоген вит. Д

Но, затоа постојат додатоци за исхрана богати со витамин Д, таблети и спрејови, а во комбинација со други витамини. Поновите технологии нудат решение за побрза апсорпција и подобро искористување, како што е спреј со витамин Д3 или комбинации кои дејствуваат синергистички како витамини Д3 и К2. Овие додатоци се препорачуваат во зимскиот перод кога има многу малку сонце и кога поретко се консумира риба.

 

Со оглед на состојбата со коронавирусот, многу малку сме изложени на сонце. Затоа, препорачливо е консумирање на суплементи на витамин Д, како поттик за имунитетот и одржување на нормално ниво на вит.Д во организмот во овие тешки денови.

 

Прикажи повеќе

Поврзани статии

Back to top button