Прва помош при изгореници на кожа

Прва помош при изгореници на кожа

Изгореница е оштетување на ткивото кое е резултат на предолго изложување на телото на сонце, друг вид на радијација, контакт со оган, хемикалии, струја или вдишување на чад.

Дали изгорениците се минорни или мајорни?

Мајорните бараат итна медицинска помош, а ги препознаваме по:

  • длабочината,
  • ја прават кожата сува,
  • со jагленисан изглед или бели, кафеави или црни дамки,
  • поголеми од 8 цм,
  • ги покриваат рацете, стапалата,лицето, бутовите и големите зглобови.

Минорните изгореници не бараат итна медицинска помош и вклучуваат:

  • површинско црвенило слично на изгореници од сонце,
  • болка,
  • меурчиња,
  • не се поголеми од 8 цм.
Лекување на големи изгореници

До пристигнување на итна помош:

  • Заштитете го изгореното лице од натамошен ризик. Ако можете да го направите тоа безбедно, проверете дали лицето на кое помагате не е во контакт со изворот на изгореници. За електрични изгореници, проверете дали изворот на електрична енергија е исклучен пред да пристапите до изгореното лице.
  • Осигурајте се дека настраданото лице дише. Доколку е потребно, започнете со вештачко дишење, доколку знаете како.
  • Отстранете ги накитот, ремените и другите ограничувачки предмети, особено од изгорените области и вратот. Изгорените области брзо отекуваат.
  • Покријте ја областа на изгореници. Користете ладен, влажен завој или чиста крпа.
  • Не потопувајте големи тешки изгореници во вода. Со тоа може да се предизвика сериозна загуба на телесната топлина (хипотермија).
  • Подигнете ја изгорената област над нивото на срцето, ако е можно.
  • Внимавајте на знаци на шок. Знаците и симптомите вклучуваат несвестица, блед тен или многу плитко дишење .
Лекување на мали изгореници

За помали изгореници:

  • Изладете ја раната. Држете ја изгорената површина под ладна проточна вода или направете притисок со влажен и ладен предмет врз раната (крпа,стерилна газа и сл.) додека болката не попушти.
  • Отстранете ги прстените или другите тесни предмети од изгорената област. Обидете се да го направите ова брзо и нежно, пред да отече областа.
  • Не ги пукајте меурчињаtа. Плускавци исполнети со течности штитат од инфекција. Ако пукне меурчето, исчистете ја областа со вода (благ сапун по избор). Нанесете антибиотска маст. Но, ако се појави осип, престанете да ја користите маста и консултирајте се со лекар.
  • Нанесете лосион со алое вера, невен или други состојки кои помагаат да се спречи сушењето на кожата и обезбедува олеснување и ладење на кожата.
  • Превијте ја раната. Покријте ја изгореницата со стерилна газа, завој (не со мек памук). Завиткајте го лабаво за да избегнете притисок врз изгорената кожа. Завојот го одржува воздухот надвор од областа, ја намалува болката и ја штити раната од бактерии и нечистотии.
  • Доколку е потребно, земете лек против болки без рецепт, како што се ибупрофен, напроксен натриум или ацетаминофен.

    АМ

Коментари