Пнеумоторакс е состојба која означува присуство на воздух во плеврален простор.
Воздухот доаѓа во плеврален простор заради прекин на континуитетот на плеврална мембрана или од медијастинална плевра. Може да биде отворен, затворен и тензионен.
Навлегувањето на воздух во плеврален простор резултира со колапс на белите дробови, белодробна инсуфициенција и летален исход.
Класификација
Пнеумотораксот се дели на :
- Спонтан (примарен и секундарен)-настанува без траума или очигледна причина
- Трауматски-настанува заради директни пенетрантни или тапи трауми на граден кош
- Јатроген
Дијагнозата
Дијагнозата се поставува врз основа на анамнеза, физикален преглед и наоди на карактеристични т.н. плеврални линии на рендген слика на граден кош.
При физички преглед може да се забележи средно изразена тахипнеа (забрзано,плитко дишење), а други витални знаци се најчесто нормални.
Фремитус пекторалис е отсутен, перкуторен звук е хиперсонарен, а дишни шумови не се слушаат. На тензионен пнеумоторакс треба да се посомневаме кога се евидентирани цијаноза, хипотензија и тахикардија.
Лекување
Суштината на лекувањето е воспоставување на негативен плеврален притисок, реекспанзија на бели дробови и потполна облитерација на белодробен простор.
Во третманот најчесто се употребуваат торакална дренажа и оперативно хируршко лекување, а поретко методи на опсервација, мирување и плеврална аспирација-ексуфлација.
