Здравје кај децаЗдравје кај мажиЗдравје од А до ШЛекови и суплементи

Недостатокот на Л-Карнитин во организмот се поврзува со благ аутизам

Студија објавена во списанието BioEssays укажува на можна врска помеѓу лесна форма на аутизам и недостаток на Л-карнитин.

Ако оваа хипотеза се покаже како точна, научниците би можеле да спречат некои форми на аутизам.
Резултатите од истражувањето на пациентите со аутизам покажуваат дека ниското ниво на Л-карнитин во мозокот може да доведе до лесна форма на аутизам што главно ги погодува машките деца.

Во претходна студија, организмот на 1 од 350 мажи не може да произведе сопствен Л-карнитин поради неактивен ген TMLHE (ε-триметил-лизин-хидроксилаза). Приближно 3% од мажите со овој неактивен ген развиле аутизам.

Плодот во стомакот на трудниците добива Л-карнитин преку плацентата пред раѓањето, па новороденчињата веќе имаат доволно во своето тело, а во текот на првите месеци го добиваат и преку доење. Меѓутоа, во некои случаи, доенчињата многу рано наидуваат на храна што не содржи Л-карнитин, така што намалениот внес може да доведе до негов недостаток, а на крајот и до аутизам.

Сепак, таков недостаток, исто така, бара генетска предиспозиција. Според постојните податоци, ризикот од развој на аутизам е поголем кај оние семејства кои веќе имаат дете со лесна форма на аутизам, особено ако новото дете е машко.

Реклама

Затоа, научниците очекуваат да се спроведе ново истражување на такви семејства за да се испита дали земањето на Л-карнитин во форма на додаток во исхраната ја намалува инциденцата на аутизам кај секое следно дете. Доколку резултатите се покажат ветувачки, би бил препорачан одреден дневен внес на Л-карнитин за збогатување на многу видови детска храна.

Прикажи повеќе

Поврзани статии

Back to top button