Колагенот е протеин кој е распространет насекаде низ човековото тело – мускулите, коските, кожата, крвните садови, дигестивниот систем и тетивите. Со стареењето, присуството на овој протеин се намалува и затоа е потребно да го внесуваме преку исхраната.
Функции на колагенот во телото
Здравје на кожата: Колагенот е главна компонента на кожата, обезбедува сила и еластичност. Тоа помага да се одржи кожата цврста и мазна, а исто така може да ја намали појавата на брчки.
Здравје на коските: Колагенот е клучна компонента во коските затоа што влијае на нивната издржливост. Исто така, може да помогне да се спречи губење на коскената маса и да се подобри густината на коските, што е особено важно како што старееме.
Здравје на зглобовите: Колагенот се наоѓа во ‘рскавицата која ги обвиткува зглобовите, и им дава стабилност, еластичност и ја намалува вкочанетоста.
Здравје на мускулите: Колагенот се наоѓа и во сврзното ткиво кое ги опкружува мускулите. Може да помогне да се подобри мускулната маса и сила, а исто така може да го намали ризикот од повреда.
Здравје на цревата: Колагенот може да помогне да се подобри здравјето на цревата со намалување на воспалението и поттикнување на растот на здрави цревни бактерии.
Создавање на колаген
Постојат многу начини да се поттикне синтезата на колаген.
- Првиот и најбитен чекор е да се обезбеди доволна количина на витамин Ц.
Ова се однесува и на орално внесување на витаминот Ц како и на козметика која го содржи овој значаен витамин кој е заслужен за создавање на колаген но е и силен антиоксидант. - Друг начин за поттикнување на создавање на нов колаген е користење на хемиски ексфолијанти (хемиски пилинзи). На овој начин се стимулира обновување на клетките на кожата.
- Трет начин се разни витамински коктели (мезококтели) кои стимулираат синтеза на колаген и вклучуваат фактори на раст. На овој начин се стимулира создавање на колаген, но и други процеси во кожата кои се одговорни за младешкиот изглед.
Намирници кои поттикнуваат синтеза на колаген:
- Лосос
- Супа од коски
- Јајца
- Чиа семки
- Семки од тиква
- Домати
- Шумско овошје
- Авокадо
- Агруми
- Зелен зеленчук
