Улога на колагенот во нашето тело

Улога на колагенот во нашето тело

Колагенот е протеин кој е распространет насекаде низ човековото тело – мускулите, коските, кожата, крвните садови, дигестивниот систем и тетивите. Со стареењето, присуството на овој протеин се намалува и затоа е потребно да го внесуваме преку исхраната.

Улога во организмот

Колагенот има голем број на различни улоги: поврзување на поединечни коски во зглобовите, гради потпорен ѕид околу органите одвојувајќи ги меѓусебно, ја поврзува кожата со структурите под неа, ги обвива мускулите и поединечните мускулни групи, ги обвива и ги штити крвните садови и нервите на места каде влегуваат и излегуваат од органите, така што освен потпора има улога и во исхраната. Специјалниот врзивен материјал обезбедува и негова улога за зачувување на природната отпорност на организмот како и регенерациска улога затоа што учествува во обновата на сите видови потпорни ткива.

За што ни е потребен колагенот?

  • за здравјето на кожата и нејзината еластичност
  • за ноктите, косата и забите
  • за зглобовите и коските
  • за црниот дроб
  • за кардиоваскуларниот систем
  • за подобар метаболизам
  • за јакост на мускулатурата и нејзина виталност 

Создавање на колаген

Постојат многу начини да се поттикне синтезата на колаген.

Првиот и најбитен чекор е да се обезбеди доволна количина на витамин Ц.
Ова се однесува и на орално внесување на витаминот Ц како и на козметика која го содржи овој значаен витамин кој е заслужен за создавање на колаген но е и силен антиоксидант.

Друг начин за поттикнување на создавање на нов колаген е користење на хемиски ексфолијанти (хемиски пилинзи). На овој  начин се стимулира обновување на клетките на кожата.

Трет начин се разни витамински коктели (мезококтели) кои стимулираат синтеза на колаген и вклучуваат фактори на раст. На овој начин се стимулира создавање на колаген но и на други процеси во кожата кои се одговорни за младешкиот изглед.
Намирници кои поттикнуваат синтеза на колаген:

  • Лосос
  • Супа од коски
  • Јајца
  • Чиа семки
  • Семки од тиква
  • Домати
  • Шумско овошје
  • Авокадо
  • Агруми
  • Зелен зеленчук

 

 

Коментари