Хипервитаминоза или труење со витамини

Хипервитаминоза или труење со витамини

Хипервитаминоза е состојба на организмот која настанува кога во него има или се внесуваат преголеми количества на одреден витамин. При тоа можат да се појават симптоми на труење. Може да се јави хипервитаминоза на витамините: А. Д, Е, К, Ц и др.

Хипервитаминоза со витамин А

Таа може да се појави на два начина:

  • по еднократна употреба на многу големи дози од овој витамин
  • бавно ,при подолга употреба и на обични дози.

Особено чувствителни се малите деца. При висока еднократна доза на витамин А се појавува зголемување на температурата, крварење на кожата и слузокожата, недостаток на апетит, брзо слабеење.
При хроничната хипервитаминоза се забележува  главоболка, зголемување на црниот дроб, запирање на растот, болки во коските и зглобовите, лупењето на кожата.

Хипервитаминоза со витаминот  Б

Таа се изразува често со тешки алергиски симптоми до анафилактичен шок, неуропсихични нарушувања, несоница, нарушување на работата на срцето,оштетување на црниот дроб.

Хипервитаминоза со витамин Ц

Прекумерно и често земање на витамин Ц  е штетено. Злоупотребата на витамин Ц води до нарушување на формирање на коските (особено кај адолесцентите), анемија, нарушување на размената на материите, оштетување на црниот дроб, нарушување на бременоста.

Хипервитаминоза со витамин Д 

Хипервитаминоза се забележува најчесто кај малите деца, бидејќи на нив често се препорачува користење на овој витамин за лекување на Рахитис, но при злоупотреба од него децата губат апетит, повраќање, стануваат апатични, поспани и  може да дојде до застој на растот.

И покрај препораките за земање на витамини и минерали, нивното дозирање треба да биде умерено. При било какви индикации и симптоми јавете се кај вашиот матичен лекар.

 

Коментари