Науката за спиење значително се разви во изминатите 20 години, обезбедувајќи растечки увид за тоа како функционира сонот, зошто е важен и начините на кои може да се наруши.
И покрај оваа напредна наука, вообичаено е да се сретнеме со дезинформации за спиењето што се шират на интернет. Некои од овие лажни информации толку често се повторуваат што станува широко распространет мит.
Иако овие митови за спиење се спротивни на научните докази, во нив често се верува и може да доведат до лоши навики за спиење и недоволно спиење.
Мит: Вашето тело се навикнува да спие помалку
Истражувањата покажаа дека недостатокот на сон влијае на краткорочно и долгорочно ниво. Тоа покажува дека вашиот мозок и тело не можат едноставно да се навикнат на помалку сон.
По неколку ноќи недоволен сон, веројатно ќе се чувствувате поспани во текот на денот.
Ова зголемување на дневната поспаност може да се стабилизира по недели или месеци без доволно сон, но тоа не значи дека вашето тело функционира ефикасно и се прилагодува на губењето на сонот.
Наместо тоа, постојаното лишување од сон влијае на перформансите во текот на денот. Дополнително, штети на донесувањето одлуки, меморијата, фокусот и креативноста. Со текот на времето, недоволното спиење може да предизвика хаос низ различни аспекти на здравјето
Мит: Не е важно кога спиете се додека спиете доволно часови
Истражувањата покажаа дека времето на спиење е важно и најдобро е да спиете што е можно повеќе за време на вечерните часови. Спиењето навечер помага да се усогласи деноноќниот ритам на телото, односно внатрешниот часовник, со околината.
Мит: ‘Рчењето не е штетно
Лесното, повремено ‘рчење обично не е проблем, но гласното и честото ‘рчење често е причина за загриженост.
Хронично или гласно ‘рчење може да биде предизвикано од опструктивна ноќна апнеја. Тоа е сериозно нарушување на дишењето што го фрагментира спиењето и го спречува лицето да го внесува кислородот што му е потребен на телото.
‘Рчењето може да го наруши и спиењето на партнерот или цимерот што спие во близина.
Мит: Дремењето го надополнува недостатокот на сон во текот на ноќта
Иако брзата дремка може да даде поттик на енергија, таа не е замена за квалитетен сон во текот на ноќта. Ова е затоа што не вклучува движење низ фазите на спиење на ист начин како и за време на долгиот сон.
Многу луѓе кои не спијат доволно се обидуваат да користат дремки за да го надополнат спиењето. Но, тоа често само го пореметува нивниот распоред за спиење и го отежнува заспивањето во нормално време за спиење.
Иако дремењето не лошо, користењето на дремките за да се справите со редовното лишување од сон не е правилен пристап. Кога ви треба дремка, најдобро е таа да биде околу 30 минути и рано попладне.
