Ноември: Месец за подигнување на свеста за дијабетесот

Ноември: Месец за подигнување на свеста за дијабетесот

Во тек е неделата за кревање на свесноста за дијабетесот, па во прилог прочитајте како да ги препознате симптомите на дијабетесот, кои се ризик факторите и како да настапите превентивно.

Дијабетес мелитус, попознат како дијабетес е метаболичко заболување кое предизвикува висок шеќер во крвта. Хормонот инсулин го придвижува шеќерот од крвта до вашите клетки за да го складира или да го искористи како енергија. Со дијабетес, вашето тело или не произведува доволно инсулин или не може ефикасно да го искористи инсулинот којшто го произведува. Нелекуваниот висок шеќер во крвта од дијабетес може да ги оштети вашите нерви, очи, бубрези и други органи.

Постојат неколку видови на дијабетес:

  • Дијабетес тип 1 е автоимуно заболување.

Имунолошкиот систем ги напаѓа и уништува клетките на панкреасот во кои се произведува инсулин. Нејасно е што го предизвикува овој напад. Околу 10 проценти од луѓето со дијабетес имаат ваков тип.

  • Дијабетес тип 2 се јавува кога вашето тело станува отпорно на инсулин и се собира шеќер во крвта.
  • Преддијабетес се јавува кога шеќерот во крвта е поголем од нормалниот, но не е доволно висок за да дијагностицира дијабетес тип 2.
  • Гестацискиот дијабетес е покачен шеќер во крвта за време на бременоста. Хормоните кои го блокираат производството на инсулин од плацентата, предизвикуваат ваков тип на дијабетес.
  • Ретка состојба наречена дијабетес инсипидус не е поврзана со дијабетес мелитус, иако има слично име. Тоа е поинаква состојба во која бубрезите отстрануваат премногу течност од телото.

Симптоми на дијабетес

Симптомите на дијабетес се предизвикани од порастот нивото на шеќерот во крвта.

Општи симптоми:

  • зголемен глад
  • зголемена жед
  • губење на тежина
  • често мокрење
  • заматен вид
  • екстремен замор
  • чиреви кои не се лекуваат

Причини за дијабетес

Различни причини се поврзани со секој вид дијабетес.

Дијабетес тип 1

Лекарите не знаат точно што го предизвикува дијабетес тип 1. Поради некоја причина, имунолошкиот систем погрешно ги напаѓа и уништува бета клетките што произведуваат инсулин во панкреасот.

Гените може да играат улога кај некои луѓе. Исто така е можно вирус да предизвика напад на имунолошкиот систем.

Дијабетес тип 2

Дијабетес тип 2 произлегува од комбинација на генетика и фактори на живот. Прекумерната тежина или дебелината го зголемува ризикот исто така. Носењето дополнителна тежина, особено во стомакот, ги прави вашите клетки поотпорни на ефектите на инсулин врз шеќерот во крвта.

Оваа состојба се јавува во семејства. Членовите на семејството споделуваат гени кои ги прават поголема веројатноста да добијат дијабетес тип 2 и да имаат прекумерна тежина.

Гестациски дијабетес

Гестацискиот дијабетес е резултат на хормонални промени за време на бременоста. Плацентата произведува хормони кои ги прават клетките на бремената жена помалку чувствителни на ефектите на инсулин. Ова може да предизвика висок крвен шеќер за време на бременоста.

Жените кои имаат прекумерна тежина кога ќе забременат или кои накачуваат премногу тежина за време на бременоста, имаат поголема веројатност да заболат од гестациски дијабетес.

Превенција од дијабетес

Дијабетес тип 1 не може да се спречи бидејќи е предизвикан од проблем со имунолошкиот систем. Некои причини за дијабетес тип 2, како што се гените или возраста, исто така не се под ваша контрола. Сепак, многу други ризик фактори на дијабетес може да се контролираат. Повеќето стратегии за превенција на дијабетес вклучуваат едноставни прилагодувања на вашата исхрана и вежбање.Ако сте дијагностицирале предидијабетес, еве неколку работи што можете да направите за да го одложите или спречите дијабетесот тип 2:

  • Практикувајте најмалку 150 минути неделно аеробни вежби, како што се пешачење или возење велосипед;
  • Отстранете ги заситените и трансмасните масти, заедно со рафинираните јаглехидрати, од вашата исхрана;
  • Јадете повеќе овошје, зеленчук и јаткасти плодови;
  • Јадете помали порции;
  • Намалете ја телесната тежина ако имате прекумерна тежина.

М.Д

Коментари