Кардиоваскуларен систем

Аритмии: тахикардија, брадикардија, фибрилација

Срцевите аритмии се нарушување на срцевиот ритам. Тие можат да бидат безопасни, а може да доведат и до срцев удар. Тие се манифестираат во неколку форми: забавување (брадикардија), забрзување (тахикардија), неправилност (екстрасистоли) или несинхронизираност(фибрилација). Настануваат поради коронарна срцева болест, стареење, континуирана употреба на лекови или стимуланси итн.

Брадикардија

Кога срцевиот ритам е побавен од 60 отчукувања /минута, се јавува брадикардија. Кај спортистите и постарите лица, брадикардија е нормална појава. Може да биде последица на нарушувања во срцевата електрична активност (хипотироидизам, миокарден инфаркт), но и земање на одредени лекови.

Тахикардија

Забрзувањето на срцевиот ритам на повеќе од 100 отчукувања/ минута кај возрасните е тахикардија. Може да биде нормално. Ова обично се случува после физички напор, силни емоции или консумирање стимуланси (кофеин). Исто така, може да биде последица на нарушувања на срцевата електрична активност. Обично се изразува преку палпитации, но може да биде и  асимптоматска. Постои и вентрикуларна тахикардија, која е опасна форма на тахикардија и може да предизвика вентрикуларна фибрилација.

Реклама

Екстрасистола

Екстрасистолите се предвремени срцеви контракции кои главно се манифестираат како палпитации. Тие генерално не се опасни ако се појавуваат поретко. Ако се чести, тие можат да бидат знак на некоја основна болест. Понекогаш може да преминат во тахикардија.

Фибрилација

Фибрилација е серија на брзи и несинхронизирани контракции на срцевиот мускул.

Атријална фибрилација

Атријалната фибрилација е чест проблем. Се карактеризира со неправилни контракции на преткоморите. Главно се манифестира во форма на палпитации, чувство на гушење и отежнато дишење. Атријалната фибрилација понекогаш може да се појави во комбинација со неправилни и брзи контракции на коморите. Може да биде минлива, а кај постарите лица обично станува трајна.

Вентрикуларна фибрилација

Вентрикуларна фибрилација е тешка форма на срцева аритмија. Предизвикува срцев удар. Доколку не се примени итна дефибрилација (електрошок), смрт настанува во рок од неколку минути. Се карактеризира со целосно неправилни контракции на коморите. Поради овие контракции, коморите не можат соодветно да испумпуваат крв. Вентрикуларна фибрилација може да биде резултат на миокарден инфаркт или друга срцева болест.

Срцев застој (удар)

Срцевиот застој се нарекува и кардиореспираторен арест. Тоа претставува ненадеен прекин на срцевите контракции. Овој прекин доведува до губење на свеста, како и респираторен застој. Отсуството на пулс е симптом на срцев застој. Може да предизвика смрт за само неколку минути. Затоа, потребна е итна реанимација (масажа на срце, вештачко дишење, употреба на надворешен дефибрилатор).

Симптоми
  • палпитации,
  • срцеви палпитации во градите,
  • непријатно чувство во градите,
  • слабост,
  • тешко дишење,
  • вртоглавица,
  • потење,
Третман
  • антиаритмици,
  • бета блокатори,
  • операција,
  • блокатори на калциумови канали,
  • кардиотонични гликозиди,
  • дефибрилатор,
  • пејсмејкер.
Совети за превенција
  • Зголемете ја физичката активност;
  • Престанете со пушењето;
  • Јадете здраво;
  • Намалете ја  на телесната тежина;
  • Редовни превентивни прегледи кај вашиот матичен лекар.

AM

 

Прикажи повеќе

Поврзани статии

Back to top button