Ништо генијално, но сепак практично и одлично за појадок или вечера и за мали и за големи.
Секако е убаво, вкусно и меко!
Потребни состојки
- 1 чаша интегрално пченично брашно
- 1 чаша мелени овесни снегулки
- една лажичка прашок за пециво
- 50 g суво грозје
- 50 g сува брусница
- 2 јајца
- 1 поголема банана или 2 помали
- 10-тина урми
- 3 лажици маслиново масло
Начин на подготовка
- Во блендер ставете ги јајцата, бананите, урмите и маслиновото масло. Убаво соединете ја смесата.
- Потоа во друг сад измешајте ги пченичното брашно, мелените овесни снегулки, прашокот за пециво и сувото овошје.
- На крај соединете ги двете смеси.
- Ставете го лепчето да се пече во правоаголно долгнавесто плехче на хартија за печење.
- Се пече околу 30-тина минути на 180˚С. Потоа можете да го оставите во топла рерна за да се подисуши малку.
- За време на печењето можете да му ставите фолија одозгора зошто првите 10-тина минути знае зарумени скроз одозгора и до крај на печењето личи како да е прегорено.
Наш предлог е да го комбинирате со намаз од црна рибизла.
Без сувото овошје, без урмите и само со жолчки можете слободно да им давате и на бебиња кои се 8+ месеци, бананата секако ќе си ја даде потребната слаткост.
Реклама 
