Здравје кај жениЗдравје кај мажиЗдравје од А до ШИсхранаФитнесХрана и живот

Сок од целер – магична напивка која влијае на целокупното здравје

Секојдневно сме сведоци на нови вести поврзани со исхраната, а во денешно време на социјалните мрежи ваквите вести се шират со неконтролирана брзина. Голем број на популарни трендови во исхраната полека се забораваат, додека новите стануваат сè попопуларни секој ден. Во последно време, пиењето на сок од целер е на врвот .

Па токму поради тоа направивме мало истражување за наводните и докажани придобивки од пиењето сок од целер.

Кои се придобивките од пиењето сок од целер?

Сокот од целер е еден од оние тоници што го чистат црниот дроб – ве лечи, а покрај тоа и слабеете и го поддржува здравјето во целост. Во прилог дел од својствата на целерот:

  • содржи кристализирана сол на натриум и на тој начин ги оштетува патогените,
  • го чисти црниот дроб од метали, токсини, пестициди, хербициди,
  • третира автоимуни болести,
  • се бори против стрептокока,
  • го детоксицира телото,
  • ја чисти крвта,
  • ги лечи надбубрежните жлезди,
  • доведува до губење на тежината

Кои се вистинските придобивки од сокот од целер?

Реклама

Целерот содржи 1,8 гр растителни влакна на 100 гр целер, а наводната препорачана количина на овој сок е приближно половина литар на ден. Очигледно е дека значителна количина на влакна се воведува на овој начин, што може да ги приближи кон задоволување на дневните потреби од влакна.

Познато е дека нерастворливите влакна минуваат низ дигестивниот систем скоро непроменето и затоа имаат способност да апсорбираат вода со што помагаат редовно празнење на цревата. Следствено, влакната имаат позитивен ефект врз варењето на храната. За споредба, 100 гр јаболко со кора има 3,2 гр растителни влакна, 100 гр капини имаат 7,3 гр, а малината дури 9,3 гр влакна на 100 гр. Односно, за помала количина на ова овошје, иста количина на влакна може да се воведе како во половина литар сок од целер. Целерот има многу мала калориска вредност, 17 kcal на 100 g. Со пиење половина литар сок, се внесуваат помалку од 100 kcal во организмот, а поради големиот волумен, тој секако придонесува за одржување на ситост и на тој начин може да помогне во одржување или намалување на телесната тежина.

Неколку студии покажуваат дека целерот има антихипертензивно дејство како резултат на присуството на хемиското соединение 3-н-бутилфталид, кое со седанолид е одговорно за аромата и вкусот на целерот. Во клиничките студии, пациентите кои конзумирале сок од целер, исто така, покажале подобри наоди во однос на намалување на крвниот притисок, со што се потврдуваат резултатите од претходните студии.

Може ли да ви наштети сокот од целер?

Ризикот е најмал кај здравите лица, а проблемот се јавува кога верувањето во чудесни медицински препарати се „продава“ на пациенти со одредени дијагностицирани болести и со тоа ги прави крајно ранливи. Како што споменавме погоре, овој сок има и позитивни ефекти. Ако сте го пробале, знаете дека не е најпривлечен во поглед на вкусот, но тоа не значи дека не треба да го мешате со друго овошје и зеленчук и со тоа да го подобрите не само неговиот вкус, туку и целокупниот хранлив состав.

Прикажи повеќе

Поврзани статии

Back to top button